ملتان ،رحیم یار خان ،چشتیاں (سٹاف رپورٹر،سٹی رپورٹر،نامہ نگار)ملتان ودیگر شہروں میں حادثے، خاتون،بچےسمیت 5افراد جاں بحق ہو گئے تفصیل کے مطابق ملتان حمزہ چوک پر کمہاراں والا کے رہائشی تیس سالہ عمیر اور مشتاق جا رہے تھے کہ تیز رفتار ٹرک ان پر چڑھ گیا اور دونوں کو شدید زخمی کر دیا جن میں سے مشتاق زخموں کی تاب نہ لاکر دم توڑ گیا علاوہ ازیں رحیم یار خان کے علاقے میانوالی قریشیاں کا 52سالہ محمدخالد اپنی بیوی اور نوسالہ بیٹی کے ہمراہ موٹرسائیکل پر خانپور سے رحیم یارخان آرہاتھاکہ ترنڈہ سوائے خان کے نزدیک نامعلوم کار سوار نے انہیں کچل ڈالا جس کے نتیجہ میں محمدخالد جاں بحق بیٹی علیشاء بی بی شدید زخمی جبکہ بیوی معجزانہ طورپر محفوظ رہی دریں اثنا میاں چنوں شہر کی دو خواتین بائی پاس کے قریب روڈ پر کھڑی تھیں کہ تیز رفتار کیری ڈبہ نے ٹکر مار دی جس کے نتیجے میں دونوں زخمی ہو گئیں جنہیں تحصیل ہسپتال میاں چنوں پہنچایا گیا جہاں پر تشویشناک حالت میں ایک زخمی خاتون گلشن آرا کو نشتر ہسپتال ملتان ریفر کر دیا مگر وہ زخموں کی تاب نہ لاتے ہوئے دم توڑ گئی ادھر چشتیاں بہاولنگر روڈ پر ایک تیز رفتار کار کی ٹکر سے موٹر سائیکل سوارمحمدعمران جاں بحق ہو گیا اسی طرح چشتیاں موضع صادق پور کے محمد جہانگیر نے بتایا کہ اس کی بیوی کپاس کے کھیت میں چنائی میں مصروف تھی جبکہ اس نے اپنےبچے کو کھیت میں کھڑی ٹریکٹر ٹرالی کے سائے کے نیچے چھوٹی چار پائی ڈال کر سلایا ہوا تھا اچانک ڈرائیور نے ٹریکٹر کو بیک کیا اور معصوم بچہ ٹرالی کے ٹائر کے نیچے آ کرجاں بحق ہو گیا ۔تھانہ شہر فرید پولیس نےٹریکٹر ڈرائیور نذیراحمد کے خلاف مقدمہ درج کر لیا۔
فرمان الہی
نماز کے اوقات
