ملتان،سرائے سدھو (سٹاف رپورٹر،نامہ نگار) ملتان اور سرائے سدھو میں سرچ آپریشن ،15افراد گرفتار،اسلحہ بھی برآمدکر لیا،پولیس اور جے ٹی ٹی ملتان نے تھانہ بی زیڈ کے علاقے میں واقع شالیمار کالونی میں سرچ آ پریشن کیا ،170گھروں کی تلاشی لی گئی ،17 بندوقیں، پسٹل، ریپیٹر اور گولیاں کارتوس قبضے میں لے کر11افراد کو حرست میں لے لیا گیا ،جن کو تفتیش کرنے کے بعد تھانہ بی زیڈ کے حوالے کر دیا گیا ،پولیس نے مقدمات درج کر کے تحقیقات شروع کر دی ہیں ،اسی طرح حویلی کورنگا پولیس اور سکیورٹی اہلکاروں کا اسلا م ہراج میں سرچ آپریشن،اسلحہ برآمد،4 گرفتارکر لئے، حویلی کورنگا پولیس ،سکیورٹی اہلکاروں اور سرکل کبیروالا کے دیگر تھانوں کے اہلکاروں نے گذشتہ روز نواحی علاقہ اسلام ہراج میں سرچ آپریشن کیا جس میں گھر گھر تلاشی لی گئی، سر چ آپریشن کے دوران ماچھیا آرائیں سے رائفل 44بور،فخر ولد خضر ہراج سے رائفل 44بور،12بور،پسٹل 30بورجبکہ فیاض ماچھی سے پسٹل 30بور برآمد کرکے انہیں گرفتار کرلیا ہے ،حویلی کورنگا پولیس نے ملزمان کے خلاف الگ الگ مقدمات درج کرکے کارروائی شروع کردی ہے۔
فرمان الہی
نماز کے اوقات
