کراچی ( اسٹاف رپورٹر)پاکستان ہاکی فیڈریشن کے زیر اہتمام چوتھی ایشین مینز چیمپئنز ٹرافی ہاکی ٹورنامنٹ کی تیاریوں کےلئے سینئر ہاکی ٹیم کا تربیتی کیمپ جمعرات کی شام نیشنل ہاکی اسٹیڈیم لاہور میں دوبارہ شروع ہوگیا، کیمپ کمانڈنٹ و ہیڈ کوچ خواجہ جنید نے بتایا کہ ٹریننگ کیمپ میں 31کھلاڑیوں نے رپورٹ کردی ہے جبکہ بیرون ممالک میں موجود دیگر کھلاڑی بھی ایک ہفتے کے اندر کیمپ میں رپورٹ کردیں گے،کیمپ میں کھلاڑیوں کی کمزوریوں کو دور کرنے کےلئے نہ صرف تکنیک پر کا م کیا جارہا ہے بلکہ ان کو ویڈیو دکھا کر ان کی کمزوریوں کی نشاندہی کی جارہی ہے،چوتھی ایشین مینز چیمپئنز ٹرافی ہاکی ٹورنامنٹ ملا ئیشیا میں 20سے 30اکتوبر تک کھیلا جائے گا، خواجہ جنید نے بتایا کہ کیمپ 16اکتوبر تک جاری رہے گا ۔قومی سینئر ٹیم کے تربیتی کیمپ کے دوران ہاکی پلیئرز نے ملک کے دفاع کےلئے پاکستان افواج اور قوم کے شانہ بشانہ خون کا آخری قطرہ بہانے کے جذبے کا اظہار کیا ۔
فرمان الہی
نماز کے اوقات
