کراچی(اسٹاف رپورٹر) قومی سنیئر اور جونیئر ہاکی ٹیموں کی عالمی مقابلوں میں بھر پور تیاری کے لئے پاکستان ہاکی فیڈریشن نے دونون ٹیموں کے درمیان تین میچوں کی سیریز کے انعقاد کا فیصلہ کیا ہے قومی سینئر اور انڈر21ہاکی ٹیموں کے مابین تین میچوں کی ہاکی سیریز 8 سے 10اکتوبر تک لاہور میں منعقد ہوگی۔ دونوں ٹیموں کے نیشنل ہاکی اسٹیڈیم اور جوہر ٹائون ہاکی اسٹیڈیم لاہور میں ٹریننگ کیمپ جاری ہیں ۔ سینئر ٹیم کے کیمپ کی نگرانی ہیڈکوچ خواجہ جنید اور جونیئر ہاکی ٹیم کی کوچنگ طاہر زمان کر رہے ہیں جبکہ دونوں ٹیمیں ہی ملائشیاءمیں مستقبل میں ہونے والے ایونٹس میں شرکت کرینگی۔ قومی سینئر ٹیم ملائشیاءمیں 20سے30اکتوبر کو ہونے والی چوتھی ایشین چیمپئنز ٹرافی میں اپنے ٹائٹل کا دفاع کریگی۔ جونیئر ٹیم جوہر بارو میں31اکتوبر سے6نومبر تک ہونے والے سلطان آف جوہر کپ میں شرکت کرے گی۔
فرمان الہی
نماز کے اوقات
