گوجرانوالہ (نمائندہ جنگ) ہلاکو گینگ کا سرگرم رکن، دوبئی میں بیٹھ کر اپنے ساتھیوں کو آپریٹ کرنے، قتل، اقدام قتل، ڈکیتی، رہزنی اور بینک سے رقم نکلوا کر آنے والوں کو لوٹنے والا ملزم ابوذر عرف کاکا بٹ مقابلے میں اپنے ساتھی کی فائرنگ سے ہلاک ہو گیا۔ ملزم ڈکیتی کے مقدمہ میں تھانہ جناح روڈ پولیس کے پاس ریمانڈ پر تھا، ملزم کی نشاندہی پر مال برآمدگی کے لئے سب انسپکٹر اکرم شہباز دیگر ملازمین اسے علاقے میں لے جا رہے تھے کہ موٹر سائیکل سوار تین نامعلوم ملزمان نے فائرنگ کرکے ملزم کو پولیس کی حراست سے چھڑایا اور فرار ہو گئے۔ ملزمان کی گرفتاری کے لئے پولیس نے علاقے کی ناکہ بندی کروائی اور ملزمان کا تعاقب کیا، دوران تعاقب ملزمان گرین ویلی کے قریب سے ملزم ابوذر عرف کاکا بٹ جو اپنے ہمراہی ساتھی ملزمان کی فائرنگ سے زخمی ہوا کو زخمی حالت میں قابو کیا، علاج معالجہ سول ہسپتال لے جایا جا رہا تھا جو راستہ میں ہلاک ہو گیا۔
فرمان الہی
نماز کے اوقات
