ویب ڈیسک...ٹھٹھہ میں کھیلاگیاکرکٹ ٹورنامنٹ میں گورنمنٹ ایلیمنٹری کالج آف ایجوکیشن ٹھٹہ نے جیت لیا۔
مکلی اسٹیڈیم میں کھیلے گئے ٹورنا منٹ میں تین ٹیموںگورنمنٹ ایلیمنٹری کالج آف ایجوکیشن بوائز حیدرآباد، دی کانسیپٹ اسکول اینڈ کالج سسٹم مکلی اور گورنمنٹ ایلیمنٹری کالج آف ایجوکیشن بوائز ٹھٹھہ کی ٹیموں نے شرکت کی ۔
ٹورنامنٹ ڈبل لیگ کی بنیاد پر کھیلا گیا جس میں ایلیمینٹری کالج ٹھٹھہ کی ٹیم نے تمام میچز جیت کر فائنل میں جگہ بنائی جب کہ گورنمنٹ ایلیمنٹری کالج آف ایجوکیشن حیدرآباد کی ٹیم ٹورنامنٹ سے باہر ہوگئی ۔
ٹرائی اینگیولر کرکٹ ٹورنامنٹ کا فائنل ایلیمنٹری کالج ٹھٹھہ اور دی کانسیپٹ اسکول اینڈ کالج سسٹم مکلی کے درمیان کھیلا گیا ۔ فائنل میچ میں ایلیمنٹری کالج ٹھٹھہ نے دی کانسیپٹ ٹیم کو تین وکٹوں سے شکست دے کر فائنل اپنے نام کرلیا۔
فائنل میں عمدہ کارکردگی کی بنیاد پر مین آف دی میچ کا ایوارڈایلیمنٹری کالج ٹھٹھہ کے کھلاڑی سلمان جوکھیو کوجب کہ مین آف دی سیریز کا ایوارڈ منور علی پلیجو کو دیا گیا ۔ فائنل دیکھنے کے لئے ٹورنامنٹ کا انعقاد کرنے والے ایلیمنٹری کالج کے پرنسپل پیارو خان سہارن ، محمد اسماعیل انصاری اور زوہیب حسیب سمیت کالجز کے اساتذہ ، تعلیم سے منسلک شخصیات اور طلبہ کی بڑی تعداد اسٹیڈیم میں موجود تھیں۔
فرمان الہی
نماز کے اوقات
