بہاولپور(ڈسٹرکٹ رپورٹر)ٹریفک پولیس بہاولپور نے 10محرم کے حوالے سے متبا دل راستوں کا پلان جاری کردیا۔ تفصیلات کے مطابق ٹریفک پولیس بہاولپور کی جانب سے جاری کردہ پریس ریلیز کے مطابق10محرم الحرام کو مین حاصل پورروڈبوجہ جلوس حسینی چوک،تھانہ بغداد الجدید بمقام حسینی چوک ٹیکنالوجی کالج روڈ تامیلے والی گلی صبح 8بجے تادن 2بجے دن اور پانچ بجے شام تا8بجے رات بند رہے گا۔اس حوالے سے ون یونٹ چوک سے آنیوالی چھوٹی گاڑیوں وموٹرسائیکل کمرشل ایریا، سیٹ لائٹ ٹاؤن والامتبادل راستہ اختیارکریں گے جبکہ جنرل بس اسٹینڈ سے آنیوالی بڑی گاڑیاں /کمرشل گاڑیاں براستہ پل نہر ششماہی،سدرن بائی پاس اختیارکرکے حاصل پورروڈ جاسکتی ہیں۔بہاولنگر،حاصل پور،خیرپورسے آنیوالی ٹریفک براستہ سدرن بائی پاس بہاولپورشہر میں داخل ہوسکتی ہے۔براستہ نادرن بائی پاس،جھانگی والاروڈ سے جنرل بس اسٹینڈ، فرید گیٹ بی وی ایچ کی طرف جاسکتی ہیں۔بسلسلہ جلوس ہائے 10محرم الحرام تھانہ کوتوالی،تھانہ سول لائنز، تھانہ صدر،پرانی سبزی منڈی،سی آئی اے سٹاف چوک تامیلاد چوک 1بجے دن تا8بجے تک بندرہے گا۔جنرل بس اسٹینڈ سے آنیوالی گاڑیاں بوجہ ڈئیوریشنCIAسٹاف چوک، ماڈل ٹاؤن سی موڑ سے ماڈل ٹاؤن بی،غلہ منڈی،ماڈل ٹاؤن اے، احمدپورروڈ کی طرف جاسکتی ہے۔جنرل بس اسٹینڈ کی طرف سے آنیوالی ٹریفک براستہ ریڈیو اسٹیشن موڑ،چڑیاگھر سے فرید گیٹ سرکلرروڈ بی وی ایچ کی طرف جاسکتی ہے۔احمدپورشرقیہ سے آنیوالی ٹریفک علامہ اقبال چوک سے جنرل بس اسٹینڈ سے فرید گیٹ،سرکلر روڈ،بی وی ایچ جاسکتی ہے۔اسی طرح تحصیل خیرپورٹامیوالی مین روڈ حاصل پوربمقام لاری اڈہ خیرپورٹامیوالی 12بجے دن تا7بجے شام تک بند رہے گا۔جس کامتبادل راستہ حاصل پورروڈ سے بہاولپورآنیوالی ٹریفک پرانی چونگی خیرپورٹامیوالی،تحصیل ہیڈکوارٹرہسپتال اورمیلسی لنک سے ہوتی ہوئی دوبارہ مین حاصل پورروڈ پرآجائیگی۔
فرمان الہی
نماز کے اوقات
