شیخوپورہ(نمائندہ جنگ سے)شیخوپورہ کے علاقہ مریدکے تا نارنگ منڈی اور منڈی فیض آباد روڈ پر سڑکوں کی تعمیر میں بڑے پیمانے پر بدعنوانیوں اور بے ضابطگیوں کے مبینہ الزامات سامنے آئے ہیں اور اس بارے میں اعلیٰ حکام کو شکایت کرنیوالے شخص محمد ندیم کو بھی مبینہ طور پر قتل کی دھمکیاں دی جارہی ہیں، ضلع حکومت کے ذرائع نے بتایا ہے کہ محمد ندیم کی تحریری درخواست پر محکمہ پولیس کو ہدایت کی گئی ہے کہ اسے تحفظ فراہم کیا جائے، محمد ندیم نے اپنی درخواست میں کہا تھا کہ مذکورہ دونوں سڑکوں کی تعمیر کے نام پر وسیع پیمانے پر بدعنوانیاں کی گئی ہیں جس کا تحریری درخواست دینے کے باوجو د مقدمہ درج نہیں کیا جارہا، دریں اثناء محکمہ پروونشنل ہائی ویز روڈ کنسٹرکشن ڈویژن کے ذرائع نے ان الزامات کی تصدیق نہ کی ہے ۔
فرمان الہی
نماز کے اوقات
