راولپنڈی (وسیم اختر،نمائندہ جنگ)اندرون شہرکی فضاؤں میں ڈرونز کی پراسرارپروازوں سے شہری خوف زدہ ہوگئے۔ذرائع کے مطابق بدھ کودن کے مختلف اوقات میں کمیٹی چوک ،نیامحلہ ،لیاقت روڈاورڈی اے وی کالج روڈ اورگردونواح کے رہنے والے متعددافرادنے فضامیں ڈرونزکوپھرتے دیکھاجس سے دن بھرشہرمیں چہ میگوئیاں ہوتی رہیں۔جنگ کوان علاقوں میں رہائش پذیربعض افرادنے بتایاکہ یہ سلسلہ دن کے مختلف اوقات میں جاری رہا اوردوسے تین ڈرون فضا میں چکرلگاتے دیکھے گئے حتیٰ کہ سورج غروب ہونے کے بعدبھی بعض افرادنے ڈرون گھومتے دیکھے جن کی لائٹس اندھیرے میں واضح نظرآرہی تھیں ۔اس حوالے سے جنگ نے راولپنڈی پولیس کے ترجمان سے رابطہ کرکے اس بارے استفسارکیاتوانہوں نے متعلقہ پولیس حکام سے پوچھنے کے بعدبتایاکہ پولیس نے بدھ کوکوئی ڈرون استعمال نہیں کیا پولیس ڈرون کیمروں کا استعمال جلوسوں کی کوریج یابعض اوقات دیگرمقاصد کےلئے کرتی ہے لیکن بدھ کواندرون شہراس حوالے کوئی ایسی سرگرمی نہ تھی کہ جس کی کوریج کے لئے ڈرون کیمرے استعمال کئے جاتے۔ادھر گذشتہ کچھ عرصہ سےبعض میڈیاچینلزبھی کسی ایونٹ کی کوریج کے لئے ڈرونزکااستعمال کرتے ہیں لیکن اس کے لئےانتظامیہ سے باقاعدہ اجازت لی جاتی ہے۔
فرمان الہی
نماز کے اوقات
