بہاولپور(ڈسٹرکٹ رپورٹر)طالبہ نےنجی کالج کی دوسری منزل سے چھلانگ لگادی، تشویشناک حالت میں ہسپتال داخل کرا دیا گیا، تفصیلات کے مطابق ماڈل ٹاؤن اے میںمقامی کالج کی طالبہ 16سالہ کائنات نے مبینہ طورپر کالج کی دوسری منزل کی کھڑکی سے چھلانگ لگادی جس کے نتیجے میں وہ شدید زخمی ہوگئی جس کوتشویشناک حالت میں بی وی ہسپتال منتقل کردیاگیا۔ ڈائریکٹر شعبہ حادثات ڈاکٹر عامربخاری نے اس حوالے سے بتایاکہ بچی کو جمعرات کے روز تین بجے ہسپتال لایاگیاتھا جس کے جسم پر متعدد فیکچرز تھے اورحالت تشویشناک تھی۔ بعد میں معلوم ہواکہ بچی مقامی کالج کی ہے ۔ انہوں نے بتایاکہ بچی کے چھلانگ لگانے یااقدام خودکشی کرنے کے حوالے سے معلوم نہیں، اس کولانے والوں نے صرف اتناہی بتایاکہ یہ گرگئی ہے جس کی وجہ سے چوٹیں آئی ہیں، تاہم اتنی شدید چوٹیں نارمل حالات میں گرنے سے نہیں آتیں۔ بچی کووارڈ میں داخل کردیاگیاہے جہاں اسکاعلاج جاری ہے۔
فرمان الہی
نماز کے اوقات
