ٹھٹھہ (نامہ نگار) مختلف حادثات میں دو افراد جاں بحق، ایک شدید زخمی۔ تفصیلات کے مطابق ناکہ گراؤنڈ کے قریب ٹھٹھہ، کراچی قومی شاہراہ پر موٹر سائیکل اور پک اپ کے درمیان تصادم کے نتیجے میں موٹر سائیکل پر سوار مکلی کے گاؤں شاہ محمد مگسی کے رہائشی دو نوجوان شکیل احمد جاکھرو اور ممتاز جاکھرو شدید زخمی ہوگئے جنہیں علاج کے لیے کراچی لے جایا گیا جہاں پر شکیل احمد جاکھرو زخموں کی تاب نہ لاتے ہوئے انتقال کر گیا۔ متوفی کی نعش کو کراچی سے مکلی پہنچانے کے بعد آبائی قبرستان میں سپرد خاک کردیا گیا جبکہ ممتاز جاکھرو کی حالت نازک بتائی جاتی ہے، دوسری جانب دھابیجی کے قریب نامعلوم گاڑی کی ٹکر سے ایک نوجوان موقع پر ہی جاں بحق ہوگیا جس کی شناخت نہ ہو پانے کے باعث اس کی لاش ایدھی رضاکاروں کے حوالے کردی گئی۔
فرمان الہی
نماز کے اوقات
