شیخوپورہ(نمائندہ جنگ سے)لاہور روڈ کے صنعتی علاقہ خانپور کے قریب واقع ایک ماچس ساز فیکٹری میں حفاظتی اقدامات کے فقدان کے باعث زور دار دھماکے کے بعد آگ لگ گئی جس کی زد میں آکر 11مزدور شدید زخمی ہوگئے دو مزدوروں کو تشویشناک حالت پر لاہور شفٹ کردیا گیا جبکہ پانچ مزدوروں کو ہسپتال میں داخل کرلیا گیا ہے، ان مزدوروں میں عمران ، بوٹا، ریاض احمد، قاسم علی، امتیاز علی، حیات اور اکرم شامل ہیں اس آتشزدگی کے واقع کے بعد مزدور تنظیموں کی طرف سے پریس کلب کے باہر احتجاجی مظاہرہ کیا گیا اور مطالبہ کیا گیا کہ مک مکا کرکے شیخوپورہ میں فیکٹریوں کے بارے میں اوکے کی رپورٹ دینے والے بعض افسروں کے خلاف فوری طور پر کارروائی کی جائے ، محکمہ لیبرکے ذرائع نے ان الزامات کی تصدیق نہ کی ہے اور کہا ہے کہ لیبر انسپکٹرز فیکٹریوں میں لیبر قوانین پر سختی سے عملدر آمد کروا رہے ہیں۔
فرمان الہی
نماز کے اوقات
