روہڑی (نامہ نگار) چیف ایگز یٹو آفسر دلاور حسینین میمن کی ہدایات پر مشتمل ٹیم جس میں چیف آپریٹنگ آفسر چوہدری اصغر ، ایکیسن غلام اللہ سولنگی ، انٹیلی جینس کے میجر علی ودیگر کی قیادت میں عملے نے روہڑی اور اسکے گردنواح کے علاقوں علی واہن ،پیارے واھ چھوہارا منڈی پیالہ ہوٹل ، ٹنڈرو بورہا سمیت دیگر علاقوں میں آپریشن کیا چیف آپریٹنگ آفسر چوہدری اصغر نے بتایا کہ صارفین کے ذمہ لاکھوں روپے کے بقایاجات کی وصولی اور کنڈا سسٹم کے خاتمے کے لیے ٹیم نے چھاپہ مار کاروائی کی ہے اس دوران نادہندگان سے 6 لاکھ روپے وصولی کی اور پانچ ٹرانسفار مر قبضے میں لیکر سینکڑو ں کنکشن منقطع کردیئے اور علاقے کے صارفین کو متنبہ کیا ہے واجبات کی ادائیگی ہر صورت میں کرنی پڑے گی ورنہ انکے خلاف سخت قانونی کاروائی کی جائے گی جن علاقوں کی بقاجات ادا کی جائے گی انکے ٹرانسفارمر لگا کر بجلی بحال کی جائے گی ورنہ ٹرانسفارمر وں کو اسٹور میں جمع کروادیں گے علاوہ ازیں ٹیم کی اطلاع پر متعدد صارفین اور دکاندار دکانیں بند کرکے فرار ہوگئے دوسری جانب علاقہ مکینوں نے احتجاج کرتے ہوئے بتایا کہ سیپکو حکام کی جانب سے بلا جواز ڈٹیکشن اور زائد ریڈنگ کے بلز بھیجے تھے جسکی در ستی نہ کرنے پر بلز ادا نہیں کیے کاروائی کے دوران بل ادا کرنے والے صارفین بھی اس کی زد میں آکر بجلی سے محروم ہوگئے ہیں کاراوئی کے دوران حراست میں لیے گئے صارفین کو بل ادا کرنے پر چھوڑ دیا گیا۔
فرمان الہی
نماز کے اوقات
