گجرات (نمائندہ جنگ) ڈی سی او گجرات لیاقت علی چٹھہ نے کہا ہے کہ ضلعی حکومت ڈسٹرکٹ جیل کی سکیورٹی بہتر بنانے کیلئے 16سی سی ٹی وی کیمرے لگائے گی، قرب و جوار میں واقع مکانات کی جیل کی طرف کھلنے والی کھڑکیاں سکیورٹی رسک ہیں، ٹی ایم اے افسران اس حوالے سے فوری اقدامات کریں۔ ان خیالات کا اظہار انہوں نے ڈسٹرکٹ جیل کے دورہ کے موقع پر کیا، سپرنٹنڈنٹ جیل منصور اکبر و دیگر افسران بھی اس موقع پر موجود تھے۔ ڈی سی او لیاقت علی چٹھہ نے جیل ہسپتال، کچن، نوعمر قیدیوں، خواتین قیدیوں سمیت تمام بیرکوں کا معائنہ کیا اور جیل کے اطراف کا دورہ کرکے چاردیواری اور مختلف مقامات پر قائم پوسٹوں کا بھی معائنہ کیا۔
فرمان الہی
نماز کے اوقات
