گوجرانوالہ(نمائندہ جنگ) گڈز ٹرانسپورٹرز ایسوسی ایشن نے انتظامیہ کی جانب سے بے جا کنٹینروں کی پکڑ دھکڑ کے خلاف احتجاجی مظاہرہ کیا اور حکومت سے مطالبہ کیا کہ اگر حکومت کو کنٹینروں کی ضرورت ہے تو ڈرائی پورٹ سے خالی کنٹینرز حاصل کرے ،بے جا کنٹینروں کی پکڑ دھکڑ سے کروڑوں روپے کے مال کو داؤ پر مت لگائیں ،گڈز ٹرانسپورٹرز ایسوسی ایشن کے صدر واصف علی بٹ کی قیادت میں ہونے والے احتجاج میں نائب صدر انشاء شاہد بٹ ،سینئر نائب صدر عمران ایوب بٹ ،جنرل سیکرٹری باؤ ایم منیر راجپوت ،جوائنٹ سیکرٹری میاں عمرمنیر ،فنانس سیکرٹری باؤ علی افتخار ،انفارمیشن سیکرٹری عمر طارق پہلوان ،فیضان خان ،مزمل خان اورعاصم ڈار نے شرکت کی، مظاہرین کا کہنا تھا کہ گڈز ٹرانسپورٹرز پہلے ہی بے شمار مشکلات کا شکار ہیں عوام بے پناہ مہنگائی کی چکی میں پس رہی ہے ،کنٹینروں کی بندش سے نہ صرف کروڑوں روپے کا مالی نقصان ہوگا بلکہ مزدور طبقہ کا بھی معاشی قتل ہورہا ہے ، وفد نے صدر واصف علی بٹ کی قیادت میں سی پی او گوجرانوالہ وقاص نذیر سے ملاقات کی اور اپنے تحفظات کا اظہار کیا ۔
فرمان الہی
نماز کے اوقات
