کراچی (اسٹاف رپورٹر) ابراہیم التفات اور ہانیہ نوید نے ڈویلپمنٹ سیریز ٹینس چیمپئن شپ جیت لی۔ فائنل کے مہمان خصوصی ٹاپ ٹینس اسٹار عقیل خان نے انعامات تقسیم کئے۔ اس موقع پر اسماعیل مجید، سلمان مانیا، عشرت زہرہ، قدسیہ راجہ، احمد عبدالعزیز، شکیل اسلم، سرور حسین اور دیگر موجود تھے۔ یونین کلب کراچی میں کھیلی جانے والی چیمپئن شپ کے مینز سنگلز کے فائنل میں ابراہیم التفات نے زبیر راجہ کو شکست دیکر ٹرافی حاصل کی۔ لیڈیز سنگلز کے فائنل میں ہانیہ نوید نے سیدہ عرج بتول کو ہرایا۔ انڈر 17 کے فائنل میں زبیر راجہ نے طلحہ سہیل کو، انڈر 15 کے فائنل میں سید محمد عون الدین نے غفران فیض کو، انڈر 11 کے فائنل میں ایم عبداللہ نے سارم عمران کو اور انڈر 9 کے فائنل میں زین احتشام نے عبداللہ عمران کو ہرادیا۔
فرمان الہی
نماز کے اوقات
