سیالکوٹ کی تحصیل سمبڑیال میں سلندڑ کی دکان میں سلنڈر پھٹنے سے آگ بھڑک اٹھی جس سے آگ میں جھلس کر 3 معذور بچے جاں بحق ہوگئے ، ریسکیو ٹیم نے امدادی کارروائی کرتے ہوئے آگ پر قابو پالیا ۔
ریسکیو ذرائع کے مطابق ڈسکہ روڈ پر واقع سلنڈر کی دکان میں آگ لگنےسے سلنڈر کی دکان مکمل طور پر تباہ ہوگئی جبکہ آگ نے دکان کے اوپر بنے مکان کو بھی اپنی لپیٹ میں لےلیا۔
ریسکیو اہلکار امدادی کارروائی کےلیےمکان کی کھڑکی سےعمارت میں داخل ہوئےتاہم اُن کے پہنچنے تک مکان میں موجود 3 معذور بچے آگ میں جھلس کر جاں بحق ہوگئے تھے۔
بے قابو آگ کو بجھانے کےلیے ریسکیو 1122 کی ایک اسنارکل اور 3 گاڑیوں نے حصہ لیا۔ حادثے میں جاں بحق ہونے والے تینوں معذور بچوں کی لاشوں کو ڈی ایچ کیو اسپتال منتقل کردیا گیا ہے
فرمان الہی
نماز کے اوقات
