لاہور (نمائندہ جنگ) قومی جونیئر ٹینس چیمپئن شپ کے دوسرے روز مختلف ایج گروپس میں دلچسپ ٹینس کے مقابلے ہوئے۔ انڈر 18 پری کوارٹرفائنل مرحلے میں مزمل مرتضیٰ نے احمد کامل 6-1، 6-2، ابدال حیدر نے سمیر احمد کو 6-3، 6-0 ، برکت اللہ نے حافظ ارباب علی 6-2، 6-4، یوسف خان نے حمزہ خالد کو 6-0، 6-0، ثاقب عمر نے شاکراللہ کو 6-0، 6-4 سے شکست دی۔ اسد اللہ نے فیضان شاہد کو 6-0، 6-0 سے، محمد شعیب نے فرحان اللہ کو 6-1، 6-2 سے ، امن عتیق خان نے احمد اسجد کو 6-1، 6-1 سے ہرا کر کوارٹرفائنلز کیلئے کوالیفائی کیا۔ انڈر 18 کے کوارٹر فائنلز جمعرات کھیلے جائیں گے۔ انڈر14 مقابلوں کے پہلے رائونڈ میں عذیر خان نے راشد سبحانی کو 6-2، 6-3 سے، احمد کامل نے میزان فیاض کو 6-1، 6-1 سے، ایم عبداللہ نے فیضان سبحانی کو 6-4، 6-2 سے ،عبدالحنان خان بلال ضیاء کو 6-2، 7-5 سے ہرایا۔انڈر 10 کے پری کوارٹرفائنلز میں حامد اسرار نے شاہیل طاہر کو 8-1 سے، محمد حذیفہ خان نے احتشام عارف کو 8-1 سے، ولید جاویدنے علی جواد کو 8-3 سے، احمد نائل نے محمد طلحہ خان کو 8-7 سے، ابوبکر طلحہ نے مصطفی فہد کو 8-0 سے ہرا کر کوارٹرفائنلز کیلئے کوالیفائی کیا۔
فرمان الہی
نماز کے اوقات
