شیخوپورہ(نمائندہ جنگ سے)ضلع بھر میں جشن عید میلاد النبی ؐ کی تقریبات جاری ہیں ، 14مقامات پر جشن آمد مصطفیؐکی خوشی میں ریلیاں اور جلوس نکالے گئے جن کا اہتمام ادارہ منہاج القرآن ، جمعیت علماء پاکستان، دعوت اسلامی، جماعت اہلسنت، مرکزی میلاد کمیٹی، سنی تحریک، ادارہ برائے تحفظ حقوق شہریاں ، انجمن محبان رسولؐ، ذکر مصطفی میلاد کمیٹی اور دیگر مذہبی جماعتوں کی طرف سے کیا گیا تھا جبکہ تحریک انصاف کے رہنما رانا عبدالسمیع خاں اور عالمی شہرت یافتہ ثناء خواں کاشف علی ناز کی اقامت گاہوں پر بھی جشن آمد مصطفیؐ کے سلسلہ میں تقریبات کا اہتمام کیا گیا جن میں سینکڑوں شہریوں نے شرکت کی، دریں اثناء جنرل سیکرٹری مرکزی میلاد کمیٹی الحاج ملک محمد طاہر جاوید نقشبندی نے اعلان کیا ہے کہ اس سال 12ربیع الاول کو بہترین سجاوٹ کرنیوالے بازار کی انتظامیہ کو مرکزی میلاد کمیٹی کی طرف سے گولڈ کپ دیا جائے گا جبکہ دوسری اور تیسری پوزیشن حاصل کرنیوالے بازاروں اورگلیوں کی انتظامیہ کو بھی انعامات دیئے جائیں گے۔
فرمان الہی
نماز کے اوقات
