سرگودھا (نامہ نگار) خوش قسمت ہیں وہ لوگ جو نبی پاکؐ کی محافل سجاتے ہیں ان محافل میں شرکت کرنیوالے بھی خوش نصیبوں میں شامل ہیں کیونکہ اللہ تعالیٰ نے خود فرمایا ہے کہ میں اور میرے فرشتے نبی پاکؐ پر درود و سلام بھیجتے ہیں اور تم بھی نبی پاکؐ پر درود و سلام بھیجو ۔ان خیالات کا اظہار پاکستان مسلم لیگ ن یوتھ ونگ ضلع سرگودھا کے جنرل سیکرٹری حکیم ملک محمد اکرم نے ربیع الاول کے حوالہ سے منعقدہ محفل نعت کی تقریب میں بطور مہمان خصوصی خطاب کرتے ہوئے کیا انہوں نے کہا کہ ربیع الاول کا مہینہ رحمت اور برکت کا مہینہ ہے یہ وہ مہینہ ہے جب رحمت دو جہاںؐ دنیا میں تشریف لائے اور دنیا سے جہالت کے اندھیرے چھٹ گئے آج بھی دنیا بھر میں مسلمان جن مسائل سے دو چار ہیں ان کی بڑی وجہ نبی پاکؐ کی تعلیمات سے دوری ہے آج ہم ان کے بتائے ہوئے راستے پر چل کر دنیا بھر میں کامیابی حاصل کرسکتے ہیں اس موقع پر شمس الدین اعوان نے کہا کہ ہم اللہ تعالیٰ کے شکر گزار ہیں کہ جن کی رحمت سے ہم آج اس بابرکت محفل میں شریک ہیں اس موقع پر لوگوں کی کثیر تعداد موجود تھی ملک کے نامور نعت خوانوں نے نعتیں پڑھیں۔
فرمان الہی
نماز کے اوقات
