ملتان میں مبینہ مقابلے کے دوران زیر حراست دو ڈاکو مارے گئے۔ادھرکراچی کے علاقے لیاری میں ڈکیتی کے دوران مزاحمت پر ملزمان نے ایک شخص پر فائرنگ کردی، تاہم کوئی جانی نقصان نہیں ہوا۔ دوسری جانب ضلع ملیر کے مضافاتی علاقے میں ڈکیتی کی سی سی ٹی وی فوٹیج جیو نیوز نے حاصل کرلی۔مظفرگڑھ میں ڈاکوؤں نے سڑک پر ناکہ لگانے کے بعد اسلحہ کے زور پر کئی ٹرک ڈرائیوروں کو لوٹ لیا،مزاحمت پر ڈاکوؤں کی فائرنگ سے ایک ڈرائیور زخمی ہوگیا۔
ملتان پولیس کے مطابق پہلے سے گرفتار ڈاکو اقبال اور عالم جان کو برآمدگی کے لیے جایا جارہا تھا کہ بوسن روڈ بائے پاس پر ان کے ساتھی ڈاکووں نے پولیس پر حملہ کردیا۔ پولیس نے بھی جوابی کارروائی کی، تاہم ڈاکوؤں کی فائرنگ سے گرفتار دونوں ڈاکے مارے گئے۔۔
مظفرگڑھ پولیس کے مطابق علاقے اڈا جام والا کے قریب ڈاکوؤں نے رات گئے ناکہ لگا کر لوٹ مار شروع کردی اور کئی ٹرک ڈرائیوروں سے ہزاروں روپے کی رقم،موبائل اور دیگر سامان چھین لیا،اس دوران ایک ڈرائیور نے مزاحمت کی کوشش کی تو اسے فائرنگ کرکے زخمی کردیا جسے مقامی لوگوں نے دیہی مرکز صحت رنگپور منتقل کیا اور فرار ہوگئے۔
کراچی میںلیاری کے علاقے موسیٰ لین میں ڈکیتی کےدوران مزاحمت پر ملزمان گاڑی کے مالک انیل سے موبائل فون اور نقدی لیکر فرار ہوئے۔ واقعے کی ابتدائی رپورٹ چاکیواڑہ تھانے میں درج کرلی گئی ہے۔
دوسری جانب ضلع ملیر کے مضافاتی علاقوں میں ڈکیتوں کا گروہ سرگرم ہوگیا ہے۔ ملیر میں ڈکیتی کی واردات کی سی سی ٹی وی فوٹیج جیو نیوز نے حاصل کرلی ہے۔ پولیس کے مطابق واقعہ چند روز قبل ملیر کے مضافاتی علاقے میں پیش آیا۔ سی سی ٹی وی فوٹیج میں تین ملزمان کو اسلحہ سمیت گھر میں داخل ہوتے دیکھا جاسکتا ہے۔
فرمان الہی
نماز کے اوقات
