بہاول پور (سٹی رپورٹر) آل پاکستان واپڈا ہائیڈرو الیکٹرک ورکرز یونین کے زیر اہتمام بہاول پور میں جلسہ کیا۔ آل پاکستان واپڈا ہائیڈرو الیکٹرک ورکرز یونین کے مرکزی جنرل سیکرٹری خورشید احمد خان کی بہاول پور آمد پر ہزاروں کارکنوں نے ان کا استقبال کیا ان کو روایتی بگھی میں سوار کروا کر میپکو کمپلیکس میں لایا گیا۔ زونل سیکرٹری بہاول پور چوہدری ذوالفقار علی زلفی نے سپاس نامہ پیش کرتے ہوئے ملازمین کو درپیش مسائل سے قیادت کو آگاہ کیا اور یقین دلایا کہ ہمیشہ کی طرح آئندہ ریفرنڈم میں بھی ہائیڈرو یونین ہی بہاول پور سے کامیاب ہوگی۔ اجتماع عام سے ڈویژنل چئیرمین محمد شفیع سلیم، جعفر اقبال، راؤ عبدالوکیل، ملک الطاف بھٹہ، میاں محمد سرور، چوہدری شبیر گجر، رانا کامران اقبال سمیت زونل چئیرمین فیاض خان بلوچ، ریجنل چئیرمین چوہدری غلام رسول گجر نے خطاب کیا۔ مرکزی جنرل سیکرٹری خورشید احمد نے محکمہ واپڈا کی ڈسٹری بیوشن کمپنیوں کی مجوزہ نجکاری کے نقصانات پر روشنی ڈالی اور ملازمین کو محکمہ کی مزید ترقی کے لئیے جانفشانی سے کام کرنے کی تلقین کی اور ملازمین کو حالیہ دنوں میں دلائی گئی مراعات اور سکیل اپ گریڈشن کے بارہ میں آگاہ کیا۔
فرمان الہی
نماز کے اوقات
