ملتان ( لیڈی رپوٹر) ممبر قومی اسمبلی و سابق وزیر خارجہ شاہ محمود قریشی نے کہا ہے کہ نبی اکرم حضرت محمد مصطفی ؐ کی ولادت باسعادت سے دنیا سے اندھیرے مٹ گئے اور نور کی ایسی بارش ہوئی جس سے حق و سچ نکھر کر سامنے آ گیا ۔ نوجوان نسل اسوہ حسنہ پر عمل کرے۔ ان خیالات کا اظہار آواز ڈسٹرکٹ فورم ، ملتان سول سوسائٹی نیٹ ورک کے زیر اہتمام ادارہ استحکام شراکتی ترقی ایس پی او کے اشتراک سے عید میلاد النبی ؐکے موقع پر منعقدہ ایک خصوصی تقریب سے خطاب کرتے ہوئے کیا ۔ اس موقع پر الگ الگ اظہار خیال کرتے ہوئے جام جمشید اقبال ( ریجنل ہیڈ ملتان ) ،ڈاکٹر اختر ملک ( سابق ممبر صوبائی اسمبلی) ، امجد بلوچ ،شہزاد مرتضیٰ ، جواد امین قریشی ، سعدیہ کرمانی اور مسز گلشن وڑائچ نے کہا کہ سماجی خدمت حضور پاکؐ کی سنت ہے ۔ آپ ؐ نے ذات پات، رنگ و نسل ، مذہب و زبان سے بالاتر ہوکر انسانیت سے محبت کا عمل درس دیا اور اسی بنیادی درس کو آج ہم قطعی بھول چکے ہیں ، اس موقع پر ذہین کنول ، سبین گل خان ،آصف رشید ، قربان فاطمہ ، سائرہ علی ،آسیہ رفیق ، عبدالمطلب فرخ ، سمعیہ کنول ،مس عافیہ ، حیدر زمان ،شمائیلہ شاہ، مس شانزلے اور منصور احمد سمیت دیگر لوگ بھی موجود تھے ۔
فرمان الہی
نماز کے اوقات
