پشاور( نیوز ڈیسک )پاکستان پیپلز پارٹی خیبر پختونخوا کے صوبائی صدر محمد ہمایون خان کے زیر صدارت پشاور سٹی کے عہدیداروں اور کارکنوں کا اجلاس صوبائی صدر کی رہائشگاہ پر منعقد ہوا جس میں حمایت خان،ملک نصیر خان،ڈسٹرکٹ ممبر شیر فرزند ،ذوالفقار اعوان اور دیگر عہدیداروں اور کارکنوں نے شرکت کی ،اجلاس میں پارٹی تنظیم نو،شہید بے نظیر بھٹو کی برسی،پانچ جنوری شہید ذوالفقار علی بھٹو کی سالگرہ کے حوالے سے تفصیلی غورخوض کیا گیا اجلاس کے شرکاءنے چیئرمین بلاول بھٹو زرادری ،صوبائی صدر محمد ہمایون خان اور کابینہ پر مکمل اعتماد کا اظہار کیا ،صوبائی صدر نے کہا ہے کہ27دسمبر کو شہید محترمہ بے نظیر بھٹو کی برسی پورے جوش و جذبے اور عقیدت سے منا ئیں گے،شہید بی بی کو ملک و قوم کیلئے عظیم خدمات جمہوریت کی بقاء عوام کے حقوق ملک و قوم کیلئے قربانیوں پر زبردست خراج تحسین پیش کرنے کے لئے صو بہ بھر کے تمام اضلاع میں قران خوانی اور دعائیہ تقریبات منعقد کی جائینگی جس میں ضلعی اور صوبائی عہدیدار اور جیالے شرکت کر یں گے جبکہ سابق ایم پی ایز ،ایم این ایز ،سینٹرز اور صوبائی کابینہ ارکان گھڑی خدابخش جائینگے ۔
فرمان الہی
نماز کے اوقات
