کراچی (جنگ نیوز) ”جیونیوز“ کے پروگرام ”خبرناک“ میں ہفتے کو ڈمی شیخ رشید مہمان ہوں گے ۔ شو میں لال حویلی کے دروازے پر شیخ صاحب کا محلے داروں کے ساتھ دلچسپ احوال منفرد انداز میں پیش ہوگا ۔ اس موقع پر گفتگو کرتے ہوئے شیخ رشید (ڈمی) کا کہنا تھا کہ خان صاحب ہمارے ”پیر“ تو نہیں مگر پیر سے کم بھی نہیں، شیخ کبھی پیپلز پارٹی کے ساتھ نہیں ہو گا البتہ پی پی میرے ساتھ آسکتی ہے۔ لال حویلی سے سیاست ہی نہیں اداکاری کے گُربھی سکھائے جاتے ہیں۔ لال حویلی کے باہر گیتوں کے آڈیشنز بھی ہوئے جس میں ”خبرناک“ کی میزبان عائشہ جہانزیب بھی پیش پیش تھیں۔ اس کے علاوہ ناظرین دیکھیں گے کہ ”لالہ پشوری “ نے کس طرح کھولے ڈھول کے پول۔ ”پنڈی والوں نے شیخ سے منہ کیوں موڑ لیا؟“ پروگرام میں اس موضوع کا بھی خلاصہ کیا جائے گا۔ طنز و مزاح سے بھر پور ”خبرناک“ رات 11بجکر5منٹ پر نشر ہوگا۔
فرمان الہی
نماز کے اوقات
