سکھر (بیورو رپورٹ) پیپلز پارٹی کی شہید قائد بے نظیر بھٹو کی 9ویں برسی میں شرکت کیلئے سکھر سے کارکنوں کے بڑے قافلے 27 دسمبر کی صبح سینیٹر اسلام الدین شیخ کی رہائش گاہ سکھر ہاؤس سمیت دیگر علاقوں سے برسی کی تقریبات میں شرکت کیلئے گڑھی خدا بخش پہنچیں گے ۔ سکھر ہاؤس میں سینیٹر اسلام الدین شیخ کی رہائش گاہ پر پیپلز پارٹی کا اجلاس منعقد ہوا جس کی صدارت پیپلز پارٹی کے مرکزی رہنما سینیٹر اسلام الدین شیخ نے کی۔ اجلاس میں رکن قومی اسمبلی نعمان اسلام شیخ ، میئر سکھربیرسٹر ارسلان اسلام شیخ ، ڈاکٹر ارشد مغل ، مشتاق سرھیو سمیت دیگر پارٹی عہدیداران اور کارکنان نے شرکت کی ۔اجلاس میں پارٹی قائد شہید محترمہ بے نظیر بھٹو کی 9ویں برسی میں شرکت کے حوالے سے انتظامات کا جائزہ لیا گیا اور فیصلہ کیا گیا کہ 27 دسمبر کو سکھر ہاؤس سے سیکڑوں گاڑیوں کے قافلے میں ہزاروں کارکن اپنی شہید قائد محترمہ بے نظیر بھٹو کو خراج عقیدت پیش کرنے کیلئے گڑھی خدا بخش پہنچیں گے ۔ برسی میں شرکت کے حوالے سے قافلوں کی روانگی کیلئے متعدد انتظامی کمیٹیاں بھی تشکیل دی گئیں اور فیصلہ کیا گیا کہ سکھر ضلع کے مختلف علاقوں اور قومی شاہراہوں پر پارٹی کی جانب سے استقبالی کیمپ قائم کئے گئے ہیں۔
فرمان الہی
نماز کے اوقات
