ملتان ،احمدیار(سٹاف رپورٹر،صباح نیوز)سابق وزیراعظمو پیپلزپارٹی کی سابق چیئرپرسن بے نظیر بھٹو کی 9 ویں برسی کل27 دسمبر کو منائی جائے گی،ملتان سمیت ملک بھر میں پیپلزپارٹی کے کارکنان و عہدیداران بے نظیر بھٹو کی برسی ہر ضلعی و تحصیل سطح پر منائیں گے اورقرآن خوانی کی تقریبا ت کا اہتمام بھی کیا جائے گا ،ملتان سےقافلےآج روانہ ہونگے،ادھرپیپلز پارٹی جنوبی پنجاب کا اجلاس جنوبی پنجاب کے پارٹی صدر مخدوم سید احمد محمود کی صدارت میں گزشتہ روز ہوا ، اجلاس میں محترمہ بینظیر بھٹو کی نویں سالانہ برسی گڑھی خدا بخش لاڑکانہ میں شرکت کیلئے پروگرام اور انتظامات کو حتمی شکل دی گئی، اجلاس میں پارٹی جنوبی پنجا ب کی جنرل سیکرٹری نتاشہ دولتانہ ، سیکرٹری اطلاعات جنوبی پنجاب چوہدری شوکت محمود بسراء پارٹی کی فیڈرل کونسل کے رکن عبدالقادر شاہین اور خواجہ رضوان عالم نے شرکت کی،اجلاس میں فیصلہ کیا گیا کہ پیپلز پارٹی جنوبی پنجاب کی قیادت سمیت ہزاروں کارکنوں کاایک قافلہ پارٹی جنوبی پنجاب کے صدر مخدوم احمد محمود کی قیادت میں آج 26دسمبر کو ملتان سے روانہ ہوگا ،
فرمان الہی
نماز کے اوقات
