ٹھٹھہ (نامہ نگار) گجو کی یونین کونسل پلیجانی میں واقع گاؤں لانو جوکھیو میں آگ لگنے کے نتیجے میں والیڈنو جوکھیو، طارق جوکھیو، والی جوکھیو اور سامی جوکھیو سمیت 6- افراد کے کچے مکان جل کر خاکستر ہوگئے۔ آگ سے متاثرہ افراد کے مطابق قریب ہی واقع زرعی زمین کے کچرے کو لگائی ہوئی آگ کے شعلوں نے ان کے کچے مکانات کو اپنی لپیٹ میں لے لیا اور دیکھتے ہی دیکھتے ان کے مکانات اور ان میں موجود بچیوں کے جہیز کا سامان، بستر اور دیگر قیمتی سامان جل کر راکھ ہوگیا۔ جبکہ گھروں کے سامنے کھونٹے سے بندھی ہوئی چار بھیڑیں بھی آگ سے جھلس کر ہلاک ہوگئیں، تاہم بعد ازاں علاقہ مکینوں نے اپنی مدد آپ کے تحت آگ بجھا کر اسے مزید پھیلنے سے روک لیا۔ متاثرین نے انتظامیہ سے اپیل کی ہے کہ وہ شدید سردی میں کھلے آسمان تلے رہ رہے ہیں ان کی امداد کی جائے تاکہ وہ اپنے گھروں کی ازسر نو تعمیر کر سکیں۔
فرمان الہی
نماز کے اوقات
