بہاولپور(ڈسٹرکٹ رپورٹر) نیوائیر نائٹ پر سکیورٹی انتظامات کو حتمی شکل دے دی گئی تفصیل کے مطابق نئے سال کی آمد کے پیش نظر سکیورٹی کے فول پروف انتظامات کئے گئے ہیں۔ شہر کے داخلی وخارجی راستوں پر پکٹس قائم کرکے چیکنگ کا سلسلہ جاری ہے۔ تمام گشت کناں گاڑیاں اور موٹرسائیکل اسکارڈ کو الرٹ ہوکر ڈیوٹی سرانجام دینے کی ہدایت کردی گئی۔کسی بھی ہنگامی صورت حال کے پیش نظر ڈسٹرکٹ پولیس آفس میں ڈی ایس پی لیگل کنور محمد قاسم کی زیر نگرانی کنٹرول روم قائم کیا گیا ہے ۔ ڈسٹرکٹ پولیس آفیسر نے ضلع بھر کے ایس ڈی پی اوزاور ایس ایچ اوز کو ہدایات جاری کرتے ہوئے کہا کہ زہریلی شراب کے خلاف بھرپور مہم چلائی جائے۔ تمام ایس ایچ اوز اپنے اپنے علاقوں میں مخبران کی مدد سے کچی شراب تیارکرنے والوں کے خلاف گھیرا تنگ کرکے گرفتاریاں عمل میں لاتے ہوئے بھرپور کاروائیاں کریں۔ منشیات کا استعمال معاشرے کو اندر سے کھوکھلاکردیتا ہے اور نوجوان نسل جلد ہی پستی کی طرف چلی جاتی ہے،یہ ایسی برائی ہے جو نہ صرف استعمال کرنے والے کو متاثر کرتی ہے بلکہ اسکی فیملی کے ساتھ ساتھ اردگرد بسنے والے تمام لوگوں کو متاثر کرتی ہے
فرمان الہی
نماز کے اوقات
