کراچی (اسٹاف رپورٹر) آل سندھ یوتھ اینڈ جونیئر باکسنگ ٹورنامنٹ فائنل مراحل میں داخل ہوگیا۔ یوتھ اور جونیئر کی11 ویٹ کیٹگری میں22 باکسرز نے فائنل میں کھیلنے کا اعزاز حاصل کرلیا۔ سندھ باکسنگ ایسوسی ایشن کے زیراہتمام سندھ اسپورٹس بورڈ کے تعاون سے وزیر کھیل سندھ سردار محمد بخش خان مہرکی جانب سے نئے ٹیلنٹ کو سامنے لانے کیلئے منعقدہ چیف منسٹر کے ٹیلنٹ ہنٹ آل سندھ یوتھ اینڈ جونیئر باکسنگ ٹورنامنٹ پنجاب فٹبال اسٹیڈیم شاہ فیصل کالونی میں جاری ہے۔ ٹورنامنٹ کے دوسرے روز 15فائٹس کے فیصلے ہوگئے۔ تین روزہ ٹورنامنٹ میں5 یوتھ میں اور جونیئر کی6 کیٹگری میں کراچی بی کے10 ، کراچی اے کے 6 ، حیدرآباد کے 2 ، سکھر کے 3 اور میر پورخاص کے ایک باکسر ز نے فائنل میں کھیلنے کا اعزاز حاصل کیا۔ مقابلوں کے مہمان خصوصی محمد اشرف تھے۔
فرمان الہی
نماز کے اوقات
