اسلام آباد (نمائندہ جنگ) محکمہ موسمیات نے خشک سردی کے خاتمے کی نوید سنائی ہے ،پانچ روز تک وقفے وقفے سے ملک کے بالائی علاقوں میں بارش اور پہاڑوں پر برفباری کی توفقع ہے، محکمہ موسمیات کے مطابق منگل سے ہفتہ کے دوران ملک کے بالائی علاقوں میں وقفے وقفے سے بارش اور پہاڑوں پر برفباری کا امکان ہے۔ خیبرپختونخوا ، بالائی پنجاب ، راولپنڈی اسلام آباد ، گوجرانوالہ ، سرگودھا ڈویژن ، فاٹا ، گلگت بلتستان اور کشمیر میں کہیں کہیں جبکہ کوئٹہ ، ژوب ڈویژن میں چند مقامات پر بارش اور پہاڑوں پر برفباری ہوگی۔ اس دوران مالاکنڈ ، ہزارہ ڈویژن ، گلیات ، گلگت بلتستان اور کشمیر کے پہاڑی علاقوں میں برفباری کی توقع ہے۔ وقفے وقفے سے جاری بارش کی وجہ سے خیبرپختونخوا ، گلگت بلتستان اور کشمیر کے پہاڑی علاقوں میں لینڈ سلائیڈنگ کا بھی خدشہ ہے۔
فرمان الہی
نماز کے اوقات
