کراچی (اسٹاف رپورٹر)سندھ باکسنگ ایسو سی ایشن کے زیراہتمام اور پاکستان باکسنگ فیڈریشن کے تعاون سے استاد محمد بٹو باکسنگ اسٹیڈیم لیاری میں کھیلی جانے والی چیمپئن شپ ڈسٹرکٹ ویسٹ نے جیت لی۔ دو روزہ چیمپئن ش میں 6 اضلاع کے 51 باکسروں نے شرکت کی۔ کراچی ڈسٹرکٹ ویسٹ نے چار گولڈ اور دو سلور کے ساتھ پہلی، کراچی ڈسٹرکٹ سائوتھ نے تین گولڈ اور دو سلور کے ساتھ دوسری پوزیشن حاصل کی۔مہمان خصوصی سندھ اولمپک ایسو سی ایشن کے وائس چیئرمین انجینئر محفوظ الحق نے کہا کہ کھلاڑیوں کو کھیلوں کے ساتھ ساتھ نظم و ضبط کی پابندی اور اپنے اساتذہ کا احترام ضروری ہے۔ اس موقع پر اولمپئن ملنگ بلوچ، اصغر بلوچ، عابد بروہی، عبدالرزاق، شیر محمد، عبدالرئوف قریشی، مراد بخش اور دیگر بھی موجود تھے۔
فرمان الہی
نماز کے اوقات
