مردان ( نامہ نگار ) سوئی گیس کی لوڈ شیڈنگ سے تنگ آکر شہریوں نے پریس کلب کے سامنے احتجاج کیا اور سڑک پر ٹائر جلا کر ٹریفک جام کردی تفصیلات کے مطابق مردان کے شہری علاقہ جات گلی باغ اور شاہی باغ کے مکینوں نے سوئی گیس کی لوڈ شیڈنگ کے خلاف پریس کلب کے سامنے احتجاج مظاہرہ کیا اور ٹائر جلا کر نعرہ بازی کی مظاہرین کی قیادت گلی باغ کے ناظم خلیل خان اور دیگر عمائدین کر رہے تھے مظاہرین کا کہنا تھا کہ سوئی گیس کی بے پناہ لوڈ شیڈنگ نے لوگوں کے ناک میں دم کر رکھا ہے اور کئی روز سے گیس کی لوڈ شیڈنگ کے باعث بچے ناشتہ کئے بغیر سکول جاتے ہیں اور گھروں میں کھانا وغیرہ تیار کرنے کا نظام تلپٹ ہو کر رہ گیا ہے جبکہ وضو کرنے کے لئے گرم پانی تک بھی دستیاب نہیں ہوتا ناظم خلیل خان نے میڈیا کو بتایا کہ پیر کے روز وفد کی صورت میی گیس حکام سے ملاقات کرکے مسلے کے حل کا مطالبہ کیا جائے گا اور اس کے بعد بھی گیس کی لوڈ شیڈگ کا سلسلہ بند نہ کیا گیا تو عوام سوئی گیس کے دفتر پر ہلہ بول دینے پر مجبور ہونگے بعد ازاں ڈی ایس پی سٹی کی یقین دہانی کے بعد مظاہرین پر امن طور پر منتشر ہوگئے
فرمان الہی
نماز کے اوقات
