مدینتہ الاولیا ملتان میں حکومت کی جانب سے ایک بڑا میٹرو منصوبہ پایہ تکمیل کو پہنچ چکاہے اورکچھ دنوں کے بعد وزیراعظم میاں نواز شریف اس منصوبہ کا افتتاح کریں گے۔
میٹرو منصوبے کا روٹ بہاء الدین زکریا یونیورسٹی سے چوک کمہارانوالہ تک ہے جس کی لمبائی 18 اعشاریہ 5 کلومیٹر تک ہے ، انتظامیہ کی جانب سے میڈیا کو بھی میٹرو روٹ کا وزٹ کرایا گیا ۔
چیف انجینئر پروجیکٹ صابر سدوزئی نے میڈیا کو بریفنگ دیتے ہوئے بتایا کہ اس منصوبے پر 28 ارب 88 کروڑ 10 لاکھ روپے کے اخراجات ہوئے ہیں،اس روٹ پر 21 اسٹیشن اورایک انڈر پاس بھی بنایا گیا ہے ۔انہوں نے اس پروجیکٹ کو لاہور اور اسلام آباد سے بہتر منصوبہ قرار دیا ۔
اس منصوبے کی تکمیل سے ملتان کی خوبصورتی میں مزید اضافہ ہو گیا ہے جبکہ ماہانہ لاکھوں افراد اس منصوبے سے سستی سفری سہولت سے فائدہ بھی اٹھائیں گے ۔
فرمان الہی
نماز کے اوقات
