شیخوپورہ(نمائندہ جنگ)شیخوپورہ کے علاقہ گھلہ وٹواں میں بھی زہریلی شراب پینے سے ایک نوجوان ہلاک اور دوسرے کو مخدوش حالت کے پیش نظر ہسپتال میں طبی امداد دی جارہی ہے، بتایا گیا ہے کہ دو دوست عابد علی اور سفیان شادی کی ایک تقریب میں شریک تھے جہاں انہوں کچی شراب پینے سے ان کی حالت بگڑ گئی بعدازاں علی الصبح قریبی کھیتوں سے سفیان کی نعش پائی گئی جبکہ عابد علی کو اسکے بعض دوستوں نے مخدوش حالت کے پیش نظر ہسپتال پہنچا دیا، واضح رہے کہ شیخوپورہ میں شادی بیاہ کی تقریبات میں شراب پی کر غل غباڑہ اور ہوائی فائرنگ کرنے کے کئی واقعات رونما ہوچکے ہیں جبکہ پنجاب حکومت نے سانحہ ٹوبہ ٹیکس سنگھ کے بعد پنجاب بھر کی پولیس کو ہدایت کی تھی کہ کچی شراب تیار کرنے والوں کے خلاف کریک ڈاؤن کرکے ملوث افراد کے خلاف قانونی کاروائی عمل میں لائی جائے ۔
فرمان الہی
نماز کے اوقات
