گوجرانوالہ (صباح نیوز)مسلم لیگ (ن) کے رہنمائوں خواجہ سعد رفیق، مریم اورنگزیب اور حنیف عباسی نے کہا ہے کہ بلاول کے بابا اورمشرف کے ادوار نے ملک ستیاناس کردیا،پاناما لیکس میں کوئی صداقت نہیں ہے، پاناما پیپر پر صرف سیاست کی جا رہی ہے،2018ء دور نہیں ہے ہمیں انصاف ملے گا دودھ کا دودھ اور پانی کا پانی ہو گا جھوٹوں کا منہ کالا ہو گا، جھوٹے الزام لگانے سے کوئی نااہل نہیں ہوتا، گذشتہ دور حکومت میں لوٹ کھسوٹ کی پالیسی تھی،پچھلی حکومت نے کوئی کام نہیں کیا،لٹو تے پھٹو کی پالیسی تھی۔ گوجرانوالہ میں ورکرز کنونشن سے خطاب کرتے ہوئے وفاقی وزیر ریلویز خواجہ سعد رفیق نے کہا ہے کہ ملک کی ترقی میں رکاوٹیں ڈالنے والوں کی نیت اچھی طرح جانتے ہیں گالم گلوچ کی سیاست ن لیگ کا وطیرہ نہیں ہمارے ضمیر اور نیتیں صاف ہیں حساب سے گھبرانے والے نہیں عمران خان آپ اپنے حساب کے لیے تیار ہو جائو ہم کسی کو تضحیک کاحق نہیں دیں گے ہم نے عدالت کا احترام کیا اور ہر سوال کا جواب دیا ،تدبر سے عاری شخص سب کچھ بن سکتا ہے لیکن عوام کا قائد نہیں بن سکتاعمران خان ایشوز پر تنقید کریں گھیرائو جلائو کی سیاست نہ کریں۔
فرمان الہی
نماز کے اوقات
