کراچی (اسٹاف رپورٹر)62ویں قومی ہاکی چیمپئن شپ کے سیمی فائنل لائن ہفتے کو ہاکی کلب آف پاکستان کراچی میں کھیلے جائیں گے۔تمام تر کوشش کے باوجود منتظمین ہاکی کلب کی فلڈلائٹ کو درست کرنے میں کامیاب نہیں ہوسکے جس کی وجہ سےفائنل سمیت تمام ناک آئوٹ میچز قدرتی روشنی میں ہی ہونگے،قومی ہاکی چیمپئن شپ اختتامی مراحل کی طرف گامزن ہے اور ٹاپ فور ٹیموں نے عمدہ کارکردگی کی بدولت سیمی فائنل میں جگہ بنا رکھی ہے جن میں آرمی، واپڈا، پی آئی اور این بی پی شامل ہیں۔ ایونٹ کے کوارٹر فائنلز میں واپڈا کی ٹیم نے شاندار کھیل کی بدولت پورٹ قاسم اتھارٹی کو یکطرفہ مقابلے میں 5-1 گولز سے شکست دی تھی، آرمی نے نیوی کو ہرایا تھا جبکہ این بی پی نے سوئی سدرن گیس کمپنی اور پی آئی اے نے سرکاری ٹی وی کو ہرایا تھا۔ چیمپئن شپ کے پہلےسیمی فائنل میں دوپہر ایک بجے آرمی کا مقابلہ واپڈا سے جبکہ سہ پہر تین بجے این بی پی کا مقابلہ پی آئی اے سے ہو گا۔
فرمان الہی
نماز کے اوقات
