اگوکی (نامہ نگار ) سیالکوٹ پولیس نے چھاپہ مار کر خطرناک ڈاکوؤں کے 11رکنی گروہ کے سرغنہ اور اس کے 3ساتھیوں کو گرفتار کرلیا ہے جن کے قبضہ سے 5 موٹر سائیکلیں ، 4پستول اور ایک رائفل ونقدی برآمدکرلی گئ جبکہ ملزمان نے دوران ڈکیتی شہری کے قتل سمیت50 سے زائد وارداتوں کا اعتراف بھی کرلیا ہے ۔ گرفتار سرغنہ فیاض عرف فیاضی اوراس کے تین ساتھی سجاد ، طارق اور مظہر نے دوران ڈکیتی شہری کو قتل کیااور سیالکوٹ ، بہاولپور، وہاڑی سمیت سات اضلاع کی پولیس کو مطلوب ہیں ۔ ڈی ایس پی صدرسرکل سیالکوٹ طارق محمو دسکھیرا نے بتایا کہ یہ خطرناک ومنظم گینگ ہے جو 11 ارکان پر مشتمل ہے اور ان چاروں ڈاکوؤں کو علاقہ مجسٹریٹ غلام رسول نے مجسٹریٹ کی نگرانی میں شناخت پریڈ کیلئے ڈسٹرکٹ جیل سیالکوٹ بھجوادیا ہے ،مفرور ارکان کی گرفتاریوں کیلئے چھاپے جاری ہیں ۔
فرمان الہی
نماز کے اوقات
