ملتان‘مخدوم رشید‘مانسہرہ(نمائندہ جنگ)ملتان اورمانسہرہ میں 2خواتین کو باندھ کرزندہ جلا دیا گیا، ملتان کے علاقے مخدوم رشید کے محلہ سادات میں نامعلوم افراد اقبال شاہ کے گھر میں گھس گئے اوراسکی بیوی 45سالہ پروین بی بی کو کمرے میں باندھ دیا اوراس کے منہ میں کپڑا ڈال کر آگ لگا دی اورخود باہر سے تالا لگا کر فرارہو گئے ، خاتون جل کر جاں بحق ہو گئی،معلوم ہوا ہے کہ مقتولہ سکول ٹیچر تھی ،8سال قبل اس کی اقبال شاہ کے ساتھ دوسری شادی ہوئی تھی جبکہ اس کا سابق خاوند اور بچوں کے ساتھ جھگڑا چل رہا تھا،واردات کے وقت شوہر گھر میں نہیں تھا، پولیس کے مطابق خاتون کو قتل کر کے جلانے کی کوشش کی گئی ہے ۔ دوسری طرف مانسہرہ تھانہ صدر کے علاقہ میں تین بچوں کی ماں کو زندہ جلا دیا گیا، مقتولہ کا شوہر قتل کے الزام میں جیل میں بند ہے۔ پولیس تھانہ صدر نے باپ کی رپورٹ پر نامعلوم افراد کے خلاف قتل کا مقدمہ درج کر لیا ۔پولیس کے مطابق موضع چٹہ بٹہ کے صادق ولد روشن نے رپورٹ درج کرائی کہ وہ صبح چار بجے آہٹ پر بیدار ہو کر کمرے سے باہر نکلا تو اس کی بیٹی مسماۃ انیلہ بی بی آگ کے شعلوں میں جل رہی تھی جبکہ دو نامعلوم افراد گھر کی دیوار پھلانگ کر بھاگ گئے بیٹی کا منہ بندھا ہوا تھا اور وہ جاں بحق ہو چکی تھی،لاش پوسٹمارٹم کے بعد ورثاء کے حوالے کر دی گئی ہے ۔
فرمان الہی
نماز کے اوقات
