مردان (نمائندہ جنگ ) عبدالولی خان یونیورسٹی کے شعبہ پشتو میں ڈاکٹر خالق زیارکی یاد میں تعزیتی ریفرنس کا انعقاد کیا گیا جس کی صدارت ڈاکٹر اسرار نے کی جبکہ مہمان خصوصی رحمت شاہ سائل تھے ۔ مقررین نے کہا کہ ڈاکٹر خالق زیار کی شاعری امن اور انسانیت کا درس دیتی ہے وہ ایک قابل اور دور اندیش فلسفی تھےان کی رحلت سے جو خلاء پیدا ہوا وہ مدتوں پورا نہیں ہوگا ان کی زندگی کے قول و فعل میں تضاد نہیں تھا ۔ رحمت شاہ سائل نے کہا کہ وہ ایک ایک عظیم قوم پرست شاعر اور ادیب تھے ۔اس موقع پر ڈاکٹر سہیل خان ، ڈاکٹر نصراللہ خان مجنون ، ڈاکٹر سید ظفراللہ بخشالی ، اختر اقبال یوسفزئی ، مغاذ باچہ ، سید افضل شاہ سمیت کثیر تعداد میں شعبہ پشتو کے طلبہ و طالبات نے شرکت کی ۔
فرمان الہی
نماز کے اوقات
