پنجاب کےوزیرقانون راناثناء اللہ کاکہناہے کہ عمران خان اور شیخ رشید گھوڑے پر بیٹھنے کے قابل نہیں، انہوں نے قوم کے ساڑھے3سال ضائع کیے اور قوم کو مسائل سے دوچار کیا ۔
پنجاب اسمبلی کےباہر میڈیاسے گفتگومیں راناثناءاللہ نےکہا کہ امیرِقطرنےدورہ پاکستان پر آنا تھا،بادشاہ کوگھوڑاتحفےمیں دینےکی تجویز تھی،تحائف کےحوالےسےخط و کتابت بھی ہوئی مگر امیرِقطرکایہ دورہ منسوخ ہوگیا، انہیں کوئی گھوڑا نہیں دیا جارہا، عمران خان اور شیخ رشید قوم کو غلط فہمیوں میں مبتلاکرنے کوشش کررہے ہیں۔
ان کاکہناتھا کہ مسئلہ کشمیر کے حوالے سے پاکستان کا مؤقف واضح ہے تاہم مسلح جدوجہد پر یقین رکھنےوالوں کو واضح پیغام ہے کہ کسی کو پاکستانی سرزمین استعمال کرنےکی اجازت نہیں دی جائے گی۔
فرمان الہی
نماز کے اوقات
