کراچی(اسٹاف رپورٹر) ہاکی کے انٹر نیشنل کھلاڑی اور پاکستان کسٹمز ہاکی ٹیم کے کوچ محمد علی خان نے کہا ہے کہ قومی ہاکی چیمپئن شپ کے دوران کوئی غیرمعمولی کھلاڑی سامنے نہیں آیا جو قومی ہاکی کے لئے تشویش کی بات ہے،جنگ سے بات چیت کرتے ہوئےانہوں نے کہا کہ کھیل میں بہتری کے لئے ایسوسی ایشنوں کو فعال کرنا پڑے گا، اور اداروں میں ہاکی ٹیموں کو بحال کر کے نئے ٹیلنٹ کو سامنے لایا جاسکتا ہے، انہوں نے کہا کہ قومی چیمپئن شپ میں کھلاڑیوں کی عمر کی حد کو ختم کرنا اچھی بات ہے مگر ہرٹیم میں تین سے چار زائد کھلاڑیوں کو شامل کرنے کا فارمولا رکھنا ہوگا اس سے نئے کھلاڑیوں کو آ گے آنے میں مدد ملے گی۔
فرمان الہی
نماز کے اوقات
