شیخوپورہ(نمائندہ جنگ )شیخوپورہ کے گنجان آباد علاقہ جہانگیر آباد میں ڈاکوؤں کے بین الاضلاعی گروہ نے صلاح الدین روڈ سے ملحقہ گلی ذاکراں میں ملزم زین کے گھر پناہ لی ہوئی تھی گزشتہ رات اکبر چوہان اور ان کے ملازمین چار موٹر سائیکلوں پر گھر آئے تو اکبر چوہان کے گھر کے باہر ہی چار ڈاکو مختلف مقامات پر کھڑے تھے جن میں سے ایک ڈاکو نے اکبر چوہان کو موٹر سائیکل سے اترتے ہوئے پکڑ لیا اور انہیں اسلحہ دکھا کر کیش چھیننے کی کوشش کی اس دوران ملازم شہباز نے ڈاکو کو موٹر سائیکل مار کر گرانے کی کوشش کی تو ڈاکوؤں نے اس پر فائرنگ کردی اس دورا ن دیگر ملازمین نے ڈاکو کو قابو کر کے اسکے قبضہ سے دو لوڈ پستول اور ایک خنجر بھی برآمد کرلیا جبکہ اسکے تین ساتھی فرار ہوگئے جن کی نشاندہی پکڑے جانیوالے ڈاکو نے کردی ہے۔ پولیس حکام کا کہنا ہے کہ پکڑے جانیوالے ڈاکو نے مذکوورہ روڈ سمیت شہر میں ڈاکہ زنی اور راہزنی کی درجنوں وارداتوں میں اس گروہ کے ملوث ہونے کا اعتراف کرلیا ہے اور پکڑے جانیوالے ڈاکو اورنگزیب کا تعلق چنیوٹ سے ہے جو اپنے ہی ساتھی کی فائرنگ سے ٹانگ میں گولی لگنے سے شدید زخمی ہوگیا تھا جس کو پولیس نے گرفتار کرکے میو ہسپتال لاہور پہنچا دیا ہے جس کے دیگر ساتھیوں کی گرفتاریوں کیلئے ڈی پی او نے سٹی سرکل پولیس کی خصوصی ٹیم تشکیل دیدی ہے۔
فرمان الہی
نماز کے اوقات
