ڈیرہ غازی خان (نمائندہ جنگ) قتل ، ڈکیتی ، اغوا برائے تاوان سمیت دیگر سنگین وارداتوں میں ملوث بدنام زمانہ چھوٹو گینگ کے سر غنہ غلام رسول عرف چھوٹو سمیت 16ملزمان کو سکیورٹی خدشات کے باعث سنٹرل جیل ملتان منتقل کر دیا گیا ۔ ملزمان کو سخت سکیورٹی میں سنٹرل جیل ڈیرہ سے روانہ کیا گیا ، ملزمان کے خلاف پانچ مقدمات انسداد دہشت گردی کی عدالت میں زیر سماعت ہیں ۔ ذرائع کے مطابق چھوٹو گینگ کے سر غنہ غلام رسول عرف چھوٹو کو دیگر پندرہ ساتھیوں خالد عرف خالدی کجلانی ،اسحاق چنگوانی ، دین اللہ ، نادر ، غلام حیدر ، حاکم ، جمعہ ، راشد ، بہرام ، بشیر ، رزاق ، ماجد ، بھولا ، قاسم وغیرہ کو سکیورٹی خدشات کے پیش نظر آئی پنجاب کے حکم پر انتہائی سخت حفاظتی انتظامات میں ڈیرہ غازیخان سنٹرل جیل ڈیرہ غازی خان سے سنٹرل جیل ملتان منتقل کر دیا گیا مذکورہ ملزمان پر تھانہ بنگلہ اچھا میں درج پانچ الگ الگ مقدمات کی سماعت جاری ہے تاہم مقدمہ کی آئندہ سماعت سنٹرل جیل ملتان میں ہو گی ۔
فرمان الہی
نماز کے اوقات
