شیخوپورہ(نمائندہ جنگ سے )محکمہ صحت ضلع شیخوپورہ نے ڈیوٹی سے طویل غیر حاضری پر بنیادی مرکز صحت اجنیانوالہ میں آئی آر ایم این سی ایچ پروگرام کے سکیورٹی گارڈ آصف جاوید کو نوکری سے کردیا ہے اس بارے میں تحریری احکامات جاری کردیئے گئے ہیں۔ دریں اثناء سی ای او محکمہ صحت نے تحصیل ہیڈ کوارٹر ہسپتال کے ایمبولنس ڈرائیور مرتضیٰ خان کے خلاف بھی کئی بار غیر حاضر ہونے اور سرکاری ایمبولنس کی بجائے مریضوں کو پرائیویٹ ایمبولنس گاڑیاں کرایہ پر لینے پر مجبور کرنے کے الزامات کی تحقیقات جاری کردی ہیں اور ٹرانسپورٹ آفیسر محمد اقبال رانا کو انکوائری آفیسر مقرر کیا، مرتضیٰ خان نے ان الزامات کی تصدیق نہ کی ہے ۔
فرمان الہی
نماز کے اوقات
