اسلام آباد ( آن لائن ) وزیر مملکت اطلاعات و نشریات مریم اورنگزیب نے کہا ہے کہ پولیس نے اپنے افسروں سے لیکر جوانوں تک قربانیاں دی ہیں، ایسی پولیس پر عمران خان کی تنقید افسوس ناک ہے اور جن شہداء کی ابھی تدفین بھی نہیں ہوئی ان پر عمران خان کی تنقید شرمناک ہے۔ منگل کے روز چیئرمین تحریک انصاف کے بیان پر اپنے ردعمل میں وزیر مملکت اطلاعات مریم اورنگزیب نے کہا ہے کہ عمران خان نیشنل ایکشن پلان میں خیبرپختونخواہ حکومت کی کارکردگی پر غور کریں جن شہیدوں پر عمران خان تنقید کر رہے ہیں، ان پر ہمیں فخر ہے شجاع خانزادہ سمیت معصوم شہریوں نے قیمتی جانوں کی قربانی دی اور دہشت گردی کے خاتمے کیلئے فوج، قانون نافذ کرنے والے اداروں نے قربانیاں دیں ایسے وقت انتشار نہیں اتحاد کی ضرورت ہے۔ انہوں نے کہا کہ جن شہدا کی ابھی تدفین بھی نہیں ہوئی ان پر عمران خان کی تنقید شرمناک ہے۔
فرمان الہی
نماز کے اوقات
