سرگودھا ( نمائندہ جنگ )ڈپٹی کمشنر لیاقت علی چٹھہ نےپی ا یچ اے کے زیر اہتمام ترقیاتی منصوبوں پر کام کی رفتار کاجائزہ لینے کے سلسلہ میں اجلاس سے خطاب کرتے ہوئے کہاکہ پی ایچ اے کو مزید 5پارکس او رگرین بیلٹس کی بہتری کیلئے مزید تین کروڑ روپے کے فنڈز جاری کردیئے گئے ہیں ۔پی ایچ اے کمپنی باغ کو ماڈل پارک او رتفریح گاہ بنانے کیلئے اقدامات کر رہی ہے جہاں شہریوں کو تفریح کی ہرممکن سہولیات فراہم کی جائیں گی ۔ شہر کے تینوں فلائی اوورز پر لائٹنگ ‘ سائن بورڈ لگانے او ران کی خوبصورتی کیلئے ہدایات جاری کر دی گئی ہیں ۔ مکمل ہونے والے پراجیکٹس کا ایک ہفتہ کے اندر اندر افتتاح کیا جائے گا۔ انہوں نے کہاکہ پی ایچ اے میں محنتی افراد کی حوصلہ افزائی کی جائے گی جبکہ کام چور افراد کو گھر بھیج دیاجائے گا ۔ اجلاس سے وائس چیئر پرسن ڈاکٹر نادیہ عزیز نے بھی خطاب کیا ۔اس موقع پر ملک عزیز الحق ‘ ڈپٹی ڈائریکٹر رانا شاہد عمران ‘ شفیق الرحمان ‘ میاں طاہر جمیل او رایکسین پبلک ہیلتھ و دیگر بھی موجو دتھے ۔
فرمان الہی
نماز کے اوقات
