مردان (نمائندہ جنگ ) پولیس نے دبئی اڈہ میں اسکول کی عمارت کو اڑانے کی کوشش ناکام بنادی اور دیسی ساخت کے دو بم برآمد کرکے ناکارہ بنادیئے تفصیلات کے مطابق دہشتگردوں نے بخشالی گائوں گورنمنٹ ہائی اسکول مالہ ڈھیری کے مین گیٹ کے قریب پل کے نیچے دیسی ساخت کے دو بم رکھے گئے تھے جس کی اطلاع ملنے پر تھانہ چورہ کی پولیس موقع پر پہنچ گئی اور بم ڈسپوزل اسکواڈ کو طلب کرلیا جس نے دونوں بم ناکارہ بنادیئے اتوار کی تعطیل کی وجہ سے ا سکول بند تھا بم ڈسپوزل سکواڈ کے انچارج اسد خان کے مطابق گھی کے کنستروں میں دھماکہ خیز مواد بھر کر بم بنائے گئے تھے جوکہ اڑھائی اڑھائی کلو وزنی تھے اور ان کے پھٹ جانے سے اسکول کی عمارت کو شدید نقصان پہنچ سکتا تھا۔ذرائع کے مطابق دونوں دیسی ساختہ بم ریموٹ کنٹرول تھے ۔پولیس نے نامعلوم دہشت گردوں کے خلاف مقدمہ درج کرکے تفتیش شروع کردی دریں اثناء علاقے میں بڑے پیمانے پر سرچ آپریشن شروع کیا گیا۔
فرمان الہی
نماز کے اوقات
