سرگودھا ( نمائندہ جنگ ،نامہ نگار)ڈپٹی کمشنر لیاقت علی چٹھہ نے چیف ایگزیکٹو آفیسر ایجوکیشن اتھارٹی رانااظہر علی خان کے ہمراہ گورنمنٹ جامع گرلز ہائی سکول اور گورنمنٹ سنٹرل ہائر سیکنڈری سکول نیوسٹیلائٹ ٹاؤن میں قائم میٹرک کے امتحانی مرکز کا دورہ کیا ۔انہوں نے نگران عملہ سے سکیورٹی اور دیگر انتظامی مسائل کے بارے میں دریافت کیا ۔ ڈپٹی کمشنر نے ہدایت کی کہ طلباء وطالبات کو امتحان کیلئے پر امن ماحول مہیا کرنے کیلئے ہر ممکن اقدامات کئے جائیں ۔ نقل اور بوٹی مافیا کے خلاف قانونی کارروائی عمل میں لائی جائے گی ۔علاوہ ازیں ڈپٹی کمشنر لیاقت علی چٹھہ نے سرگودہا جم خانہ کلب کادورہ کیا اور کلب کی نئی عمارت کے تعمیراتی کام کاجائزہ لیا ۔ انہوں نے کہاکہ اس پراجیکٹ پر بارہ کروڑ روپے کے اخراجات کا تخمینہ لگایاگیاہے اور تعمیر چھ ماہ میں مکمل ہوگی ۔ اس موقع پر اے ڈی سی جی ذوالقرنین لنگڑیال ‘ ڈپٹی ڈائریکٹر ڈویلپمنٹ شفیق الرحمن ‘ آرکیٹیکٹ ارشد محمود و دیگر متعلقہ افسران موجود تھے ۔
فرمان الہی
نماز کے اوقات
