سرگودھا(نمائندہ جنگ،نامہ نگار )عالمی یوم خواتین کے سلسلہ میں سپورٹس سٹیڈیم میں یونیورسٹی آف سرگودہا اور ڈسٹرکٹ سرگودہا کی گرلز ٹیموں کے مابین کرکٹ میچ کھیلا گیا جو دلچسپ مقا بلے کے بعد جا معہ سرگودہا کی ٹیم نے جیت لیا۔ یو نیورسٹی کی ٹیم نے پہلے کھیلتے ہو ئے مقر رہ20 اووز میں104رنز بنائے ڈسٹر کٹ گرلز کی ٹیم 82رنز بنا سکی ۔اس موقع پر ایم پی اے ڈاکٹر نادیہ عزیز ، وائس چیئر پرسن ضلع کونسل سیدہ گلشن شیرازی ،مسز قیصرہ اسماعیل ،میڈم عائشہ ، اے ڈی سی جی ذوالقرنین لنگڑیال ، اسسٹنٹ کمشنر سرگودہا محمد سعید لغاری بھی موجود تھے ۔ میچ کے آخر میں کھلاڑیوں میں انعامات تقسیم کئےگئے۔مہمان خصوصی ڈاکٹرنادیہ عزیزنےخطاب کرتے ہوئے کہاکہ حکومت خواتین کی ترقی ، حقوق کے تحفظ اور انہیں قومی دھارے میں لانے کیلئے اقدامات کرہی ہے۔
فرمان الہی
نماز کے اوقات
